മേളകലയിലെ നടവഴികൾ Series III

കേരളീയ ക്ഷേത്രവാദ്യങ്ങളിൽ പ്രധാനമായും ഒൻപത് തരത്തിലുള്ള താളങ്ങൾ ഉപയോഗിച്ചു വരുന്നു ഏകതാളം, ത്രിപുടതാളം, പഞ്ചാരിതാളം, ചെമ്പടതാളം, ചെമ്പതാളം, അടന്തതാളം, ധ്രുവതാളം ഇവയ്ക്കുപുറമെ അടന്ത താള ലക്ഷണത്തോട് കൂടിയ അഞ്ചടന്ത താളവും, മുറിയടന്ത താളവും സർവസാധാരണമായി പ്രയോഗിച്ചുവരുന്നു.

ഈ താളങ്ങളിൽ ഏകതാളവും മുറിയടന്ത താളവും ഒഴിച് മറ്റെല്ലാ താളങ്ങളിലും മേളങ്ങൾ ചിട്ടപ്പെടുത്തിയിട്ടുണ്ട്.

ഇപ്രകാരമുള്ള താളങ്ങൾ അവയുടെ താള സ്വരൂപത്തിലെ ലക്ഷണങ്ങൾക്ക് അനുസരിച് “കളചൗക” നിബന്ധത പ്രകാരം മേൽക്കാലങ്ങളെയും ചില സന്ദർഭങ്ങളിൽ താലസ്വരൂപത്തിന്റെ കീഴ് കാലങ്ങളെയും ചിറ്റപ്പെടുത്തിയാണ് ഇന്ന് കാണുന്ന മേളങ്ങൾ അവതരിപ്പിച്ചുപോരുന്നത്.

കേരളീയ താളപദ്ധതിയെഅധികരിച്ചാണ് പൂർണമായും മേള കല ചിട്ടപ്പെടുത്തിയിരിക്കുന്നത്. എങ്കിൽ തന്നെയും ദക്ഷിണേന്ത്യൻ താളപദ്ധതിയുടെ ചുവട് പിടിച്ചെക്കെ താള അംഗങ്ങളെ വേർതിരിച്ചിരിക്കുന്നതെന്ന് ചിന്തിക്കുന്നതിനു തെറ്റുണ്ടാവില്ല. യാദൃശ്ചികമായിട്ട് ആണെങ്കിൽ പോലും കേരളീയ താളപദ്ധതികൾ എല്ലാം തന്നെ വ്യക്തമായ താള ലക്ഷണത്തോട് കൂടി ദക്ഷിണേന്ത്യൻ താളപദ്ധതിയിൽ കാണാൻ സാധിക്കും. ഓരോ മേളങ്ങളെയും പ്രിത്യേകം എടുത്ത് വിശകലനം ചെയ്യുമ്പോൾ ഇത് വ്യക്തമാകുന്നതുമാണ്

രജീഷ് മുത്തോലപുരം (Regish Mutholapuram)

A leading chendamelam Artist in Kerala